Гэр бүлийн хүчирхийлэлтэй тэмцэх тухай хуулийн 20 дугаар зүйл, Хөдөлмөр нийгмийн хамгааллын сайд, Хууль зүй дотоод хэргийн сайд, Эрүүл мэндийн сайндын A/173, A/251, A/380 тоот хамтарсан тушаал “Журам батлах тухай”-г хэрэгжүүлэх зорилгоор аймгийн Гэр бүл, хүүхэд, залуучуудын хөгжлийн газар, Төв аймаг дахь Цагдаагийн газар, Дэлхийн зөн Олон байгууллагатай хамтран “Хамтарсан баг”-ийн Нийгмийн ажилтнуудыг чадваржуулах сургалтыг зохион байгуулж байна.

Сургалтанд 27 сумын Нийгмийн бодлогын мэргэжилтэн, боловсролын нийгмийн ажилтнууд болон Мэргэжил сургалт үйлдвэрийн төвийн Нийгмийн ажилтнууд хамрагдаж байна. Нийгмийн ажилтнууд нь “Хамтарсан баг”-ийн гол гишүүд байдаг бөгөөд сумдын Нийгмийн бодлогын ажилтнууд нь сумынхаа “Хамтарсан баг”-ийн Нарийн бичгийн даргын үүргийг гүйцэтгэдэг байна. Цаашид мөн “Хамтарсан баг”-ийн бусад гишүүдийг чадваржуулах ажлыг зохион байгуулахаар төлөвлөөд байгаа аж.