Аймгийн удирдлагуудын зүгээс санаачлан баг тус бүрт тулгамдаж байгаа асуудлыг холбогдох хэлтэс агентлагийн дарга нарыг байлцуулан шийдвэрлэх үүднээс өнөөдөр /2017.11.06/ анхны хурлаа зохион явууллаа. Иргэдийнхээ дуу хоолой болсон багийн Засаг дарга нар замын гэрэлтүүлэг, газар олголт, тусгаарлах байрыг ажиллуулах, алслагдсан гэр хороололд амьдарч байгаа хүүхдүүдийн тоглох орчинг тохижуулах, нохой устгалыг дахин явуулах, үерийн далантай ойр байгаа айл өрхүүдийг нүүлгэн шилжүүлэх, зам дагуух явган хүний замыг засварлах, хурд сааруулагчийг нэмэгдүүлэх, мал нядлах цэгтэй болох, утааны асуудлыг багасгах, хороолол доторх замыг засварлах зэрэг асуудлыг хөндөж тухай бүрд нь хариултаа авсан юм. Цаашид багийн засаг даргын нэгдсэн хурлуудад хэлтэс агентлагийн дарга нар ээлжлэн оролцож тухайн чиглэлээр иргэдийн санал хүсэлтийг хүлээн авч хамтран ажиллахаар болжээ.