Аймгийн ИТХ-ын Тэргүүлэгчдийн ээлжит бус хурал өнөөдөр /2017.11.01/ боллоо.
Тус хурлаар Дархан хот, Улаан-Үд хотуудын хооронд найрамдалт харилцаа тогтоосны түүхт 50 жилийн ойг тохиолдуулан хоёр хотын харилцааг шинэ шатанд гаргаж хөгжүүлэхэд оруулж байгаа бодитой хувь нэмрийг үнэлж ОХУ-ын Буриад улсын Улаан-Үд хотын захирагч Голков Александр Михайловичийг аймгийн “Хүндэт иргэн” цол, тэмдгээр шагнах тухай хэлэлцэн баталлаа.
Буриад улсын Улаан-Үд хотын захирагч А.М.Голков нь 1987 онд Дорнод Сибирийн технологийн дээд сургуулийг “Автомашин, автомашины үйлдвэрлэл”, инженер механикийн мэргэжлээр, 2003 онд ОХУ-ийн хүмүүнлэгийн ухааны их сургуулийг Хуульч мэргэжлээр тус тус дүүргэсэн байна.
Тэрээр 2012 оноос эхлэн Улан-Удэ хотын даргаар ажиллаж байгаа бөгөөд Дархан хот, Улаан-Үд хотуудын хооронд найрамдалт харилцааг хөгжүүлэхэд өндөр үүрэг гүйцэтгэж байгаа билээ.
