Малчин багийн ИНХ-ын дарга О.Адъяа 2017.10.27 ны өдөр  багийнхаа малчдыг эргэн тойрж, малчны хотонд ажиллав. Малчдаар тойрох ажилд хүний эмч Ц.Отгон, малын эмч Б.Энхцэцэг нарын хамт явсан байна.Ажлын хэсэг Ноён хонгор, Хүйтний гол, 8 дугаар бригад, Зулзагын голын хэсгүүдэд ажиллажээ. Малчдын хувьд хашаа хороо 80%-тай, өвс хураалт-50%-тай, малын вакцинжуулалт-90%-тай явагдаж байгааг мэдээлсэн байна.

Энэ үеэр малчдын өвөлжилтийн бэлтгэл ажил, тулгамдсан асуудлыг үзэж танилцахаас гадна явуулын эрүүл мэндийн үйлчилгээг үзүүлжээ. Ажлын хэсэг томуу, ханиаднаас урьдчилан сэргийлэх томуугийн эсрэг вакцинжуулалтанд өндөр настан, жирэмсэн эх, хөгжлийн бэрхшээлтэй иргэдээ хамруулсан байна. Нийт 20 гаруй иргэд вакцинжуулалтанд хамрагджээ. Малчин багийн ИНХ-аас санаачилсан ажил дараа саруудад багийн бусад хэсгүүдээр үргэлжлэн явагдах аж.