Монгол банк, Сангийн яам, Санхүүгийн зохицуулах хороо, БСШУЯ хамтран 2016-2021 онуудад хоёр үе шаттайгаар хэрэгжүүлж буй “Олон нийтийн санхүүгийн суурь мэдлэгийг дээшлүүлэх хөтөлбөр”-ийн хүрээнд Монгол банкнаас “Санхүүгийн боловсрол” аяныг зохион байгуулж байна. Энэхүү аян 3 сарын хугацаанд үргэлжлэх бөгөөд өнөөдөр /2017.10.19/ манай аймагт нээлтээ хийлээ. МУ-ын санхүүгийн тогтвортой байдлыг хангах зорилтын хүрээнд иргэдийг санхүүгийн зах зээлд ухаалгаар оролцуулах, оновчтой шийдвэр гаргалтыг дээшлүүлэх зорилготой явагдаж байгаа тус аяны нээлтэд төрийн болон арилжааны банкны 60 гаруй төлөөлөл оролцлоо. 3 сар үргэлжлэх энэхүү аяны хүрээнд ерөнхий боловсролын сургуулийн сурагчид, залуучууд, орон нутгийн иргэд, цахим хуудас, олон нийтийн мэдээллийн хэрэгслээр санхүүгийн мэдлэг олгох ажлуудыг үе шаттайгаар явуулах ажээ.