Найрамдалын Дархан хот байгуулагдсаны түүхт ойн өдрийг угтан аймгийн Засаг даргын нэрэмжит өсвөр үеийн аварга шалгаруулах Шатрын тэмцээнийг 10 дугаар сарын 14-15-ны өдрүүдэд хүслийн хотхоны “DARKHAN CHESS” шатар даамны клубт зохион байгууллаа. Тэмцээнд 5-н насны ангиллаар нийт 174 өсвөрийн шилдэг тамирчид оюун ухаанаа уралдуулан өрсөлдсөнөөс 6 хүртэлх насны эрэгтэй төрөлд 9 дүгээр сургуулийн сурагч Т.Идэржавхлан, эмэгтэй төрөлд 4 дүгээр цэцэрлэгийн Б.Цэцэнбилэг, 7-8 насны эрэгтэй төрөлд 9 дүгээр сургуулийн сурагч Т.Тамир, эмэгтэй төрөлд ОИЦ сургуулийн сурагч Б.Батцэцэг, 9-10 насны эрэгтэй төрөлд 15 дугаар сургуулийн сурагч М.Дүүрэнмөрөн, эмэгтэй төрөлд ОИЦ сургуулийн сурагч О.Мөнхзул, 11-12 насны эрэгтэй төрөлд ОИЦ сургуулийн сурагч Л.Дөлгөөн, эмэгтэй төрөлд 19 сургуулийн сурагч Т.Хүрэлцэцэг, 13-16 насны эрэгтэй төрөлд 19 дүгээр сургуулийн сурагч Ё.Эрдэмдалай, эмэгтэй 16 дугаар сурагч Б.Дүүрэнбилэг нар алтан медалийн эзэд болцгоосон байна.