Дархан-Уул аймгийн Засаг даргын 2017-2020 оны үйл ажиллагааны хөтөлбөрийн 6.2.2-ийн 2 дугаарт эмнэлгийн тусламж үйлчилгээг үйлчлүүлэгчдэд чирэгдэлгүй, хүлээгдэлгүй авах нөхцөлийг бүрдүүлэх зорилгоор Шилэн эмнэлэг төслийг хэрэгжүүлэхээр тусгагдсан. Энэ дагуу тус төслийн эхний шат өнөөдөр /2017.10.16/ нээлтээ хийж иргэддээ үйлчилж эхэллээ. Ингэснээр Нэгдсэн эмнэлгийн амбулаторийг бүрэн хэмжээнд камержуулж иргэдийн цаг завыг хэмнэж оочир дугаарлалтыг цахимжуулж /7037-1103/ утсаар болон /Emneleg.darkhan.mn/ хаягаар эмчид үзүүлэх номер дугаараа авах, шуурхай ил тод нээлттэй байдлыг хангаж байгаагаараа ач холбогдолтой юм. Залуучуудын гэх тодотголтой манай аймагт хэрэгжиж байгаа энэхүү төслийн 2 дахь шат түргэн тусламжийн 103-ийн үйл ажиллагааг хөнгөвчлөхөд чиглэгдэх ажээ.