Монгол Улсын Ерөнхийлөгчийн зарлигаар жил бүрийн тав, аравдугаар сарын хоёр дахь долоо хоногийн бямба гарагийг “Бүх нийтээр мод тарих үндэсний өдөр” хэмээн зарлаж, 7 дахь жилтэйгээ золгож байна. Энэхүү өдрийн хүрээнд Дархан-Уул аймгийн Засаг даргын 05 дугаар албан даалгавар гарч бүх нийтээрээ “Нэг иргэн Нэг мод” уриан дор энэ сарын 14,15-ний өдрүүдэд Дархан сумын 9 дүгээр баг Морин хуур цогцолборын зүүн талд 18 нэгж талбарт 889 ширхэг гоёлын мод, 8155 ширхэг хайлаас модыг иргэд, төр, хувийн хэвшлийн байгууллагууд тарих бөгөөд иргэд та бүхнийг энэхүү ажилд идэвхтэй оролцохыг уриалж байна.