Төв аймгийн Гэмт хэргээс урьдчилан сэргийлэх зохицуулах зөвлөлөөс уламжлал болгон зохион байгуулдаг “Хуулиа дээдэлье” тэмцээн 14 дэх жилдээ зохион байгуулагдаж байна.  “Хуулиа дээдэлье” тэмцээнийг  ерөнхий боловсролын сургуулийн сурагчид дунд гэр бүлийн хүчирхийлэлтэй тэмцэх тухай хууль, хүүхдийн эрхийг хамгаалах тухай хууль, хүүхэд хамгааллын тухай хуулиудыг орон нутгийн иргэд, хүүхэд залуучуудад сурталчлах, гэр бүлийн хүчирхийллээс урьдчилан сэргийлэх ажилд иргэд, олон нийтийг татан оролцуулах, идэвх санаачилгыг нэмэгдүүлэх зорилгоор зохион байгуулж ирсэн.

Тус тэмцээнийг энэ жил “Гэр бүл” хүүхэд бидний ирээдүй” сэдвийн хүрээнд эхний шатыг 27 сумаа 4 бүсэд хуваан зохион байгуулж байна. 1-р бүсийн тэмцээн Баян суманд болсон бөгөөд Баянжаргалан, Эрдэнэ, Архуст, Баянцагаан,

Баяндэлгэр сумдын багууд өрсөлдсөнөөс Тэргүүн байрыг Баяндэлгэр сумын баг,

Дэд байрыг Эрдэнэ сумын баг,

3 дугаар барыг Архуст сумын баг тус тус эзэллээ.

Тэмцээний эхний хоёр байрыг эзэлсэн багууд Аймгийн аваргын төлөө өрсөлдөх юм.