Сум, агентлагийн дарга нарын зөвлөгөөн /2017.10.02/ болж өнгөрсөн сард хийсэн онцлох томоохон ажлуудаа тайлагналаа. Зөвлөгөөний төгсгөлд аймгийн Засаг дарга С.Насанбат хэд хэдэн үүрэг даалгаврыг өгсөн юм. Сум, агентлагийн дарга нар өөрсдийн хийсэн ажлаа орон нутгийн телевизээр сурталчлах, төрийн болон хувийн хэвшлийн байгууллага бүр мод тарих өдрийн хүрээнд идэвх, санаачлагатай ажиллаж албан хаагчдыг хамруулах, Санхүүгийн ил тод байдлыг шилэн дансаар шуурхай мэдээлэх, өвөлжилтийн бэлтгэл ажлын хүрээнд хуучин хороолол, хээтэй хорооллын айл өрхүүдийн халаалтыг 10 дугаар сарын 3-нд өгөх, Шарын гол суманд баригдсан сурагчдын дотуур байрыг хүлээн авч ажилд оруулах, багш нарын урамшууллын асуудлыг яаралтай шийдвэрлэх, хотын ойн өдрийн хүрээнд төрийн байгууллагууд хувийн хэвшилтэй хамтран шинэ, шинэлэг ажлыг санаачлан хийж нийгмийн идэвхийг сайжруулах, зөвшөөрөлгүйгээр хотын дотор үйлчилгээ явуулж байгаа автомашинуудад анхаарал хандуулж стандарт нормын дагуу үйл ажиллагааг явуулахад анхаарах хэрэгтэйг үүрэг болголоо.