Баянхангай сумын иргэд, төгсөгчид төрийн албан хаагчидтайгаа хамтран сумынхаа 40 жилийн ойн хүрээнд хандивын аян өрнүүлж сумандаа бүтээн байгуулалтын ажил хийсэн байна. Баянхангай сумынхан дээрх ажлынхаа хүрээнд өөрийн сумын ЗДТГ-ын Ёслол хүндэтгэлийн өргөөны гадна хөшөө, Далан тавтай хөшөө, Сумын өндөрлөгийн автомашины зогсоол, Наадмын талбайн засвар өргөтгөл, Халуун усны засвар, Соёлын төвийн засвар, сумруу орох хаалга зэргийг сэргээн засварлаж өнгө үзэмжийг дээшлүүлж Соёлын төвдөө хөгжим техник хэрэгсэлээр тусламж дэмжлэг үзүүлсэн байна.
Энэхүү бүтээн байгуулалтын ажлыг хийхэд 100% иргэдийн хандивласан мөнгийг ашигласан бөгөөд барилга, байгууламжийн засварын ажлыг Төрийн албан хаагчид хийж гүйцэтгэжээ. Сум орон нутгийнхаа хөгжил дэвшилд санал, санаачлага гаргаж хандив өргөсөн нийт иргэд, төгсөгчид, болон засварын ажлыг хийж гүйцэтгэсэн төрийн албан хаагч нартаа баярлаж талархсанаа илэрхийлье.
