Тулгар төрийн 2226, Их Монгол улсын 811, Ардын хувьсгалын 96, Төв аймаг үүсгэн байгуулагдсаны түүхт 94 жилийн ойн Баярын хурал Зуунмод хотноо “Монгол туургатан” театрт боллоо. 1923 оны 10-р сарын 19-ний Засгийн газрын 38-р тогтоолоор Халхын дөрвөн аймгийг хаадын нэрээр нэрлэж байсныг өөрчилж уулсын нэрээр нэрлэх болсноор Түшээт хан аймаг нь Богд хан уулын аймаг гэж нэрлэгдэх болсон. Монгол улсын Их хурлын 2003.01.02-ны өдрийн 01 тоот тогтоолоор Зуунмод хотыг “Төвийн бүсийн тулгуур төв”-өөр баталсан юм.

Тус аймаг эдүгээ түүхт 94 жилийн ойтойгоо золгож байна. 94 жилийн ойн Баярын хуралд аймгийн ИТХ-ын дарга Ц.Энхбат, Засаг дарга Ж.Батжаргал, Засаг даргын орлогч Д.Мөнхбаатар тэргүүтэй удирдлагууд, иргэд, хөдөлмөрчид оролцлоо. Мөн баярын хурлын үеэр аймаг орон нутгийнхаа хөгжлийн төлөө хоёргүй сэтгэлээр зүтгэж, хөгжлийн тэргүүлэх чиглэл болсон Хөдөө аж ахуй, Нийгэм, Эдийн засаг, Дэд бүтэц, Төр, захиргааны салбарт олон жил үр бүтээлтэй ажиллаж хөдөлмөрийн өндөр амжилт гаргасан зарим хүмүүсийг Монгол улсын Төрийн дээд одон медаль, салбарын тэргүүн, аймгийн ИТХ, Засаг даргын шагналаар шагнаж урамшууллаа.

“Хөдөлмөрийн гавъяаны улаан тугийн одон”-оор

1. Ц.Байгалмаа /Аймгийн Нэгдсэн эмнэлэгийн Хүүхдийн зөвлөх эмч/
2. Ц.Жамбалсүрэн /Төв чандмань ДЭХГ-ын захирал/

“Алтан гадас одон”-оор

1. А.Шаравнямбуу /Зуунмод сумын Хот тохижуулах газрын дарга/
2. Д.Цогтсайхан /Аймгийн Газрын харилцаа, барилга, хот байгуулалтын газрын ахлах мэргэжилтэн/
3. Т.Баярсайхан /Төв цогт Өлзийт ХХК-ийн захирал/
4. Г.Дарьсүрэн /Аймгийн Нэгдсэн эмнэлэгийн зөвлөх эмч/
5. Ч.Очирбат /РТА ХХК-ийн захирал/
6. Д.Оюун /Төв аймгийн Үйлдвэрчний эвлэлийн хорооны дарга/
7. Ш.Жаргалсайхан /Аймгийн Газрын харилцаа, барилга, хот байгуулалтын газрын ахлах мэргэжилтэн

“Хөдөлмөрийн хүндэт медаль”-аар

1. О.Цасанцэцэг /Зуунмод сумын ЗДТГ-ын үйлчлэгч/
2. Н.Ганцэцэг /Аймгийн Нэгдсэн эмнэлэгийн Лабораторийн эмч/
3. Ж.Энхбаатар / “Төв” телевизийн найруулагч/

“Төрийн албаны тэргүүний ажилтан” цол тэмдгээр

1. И.Даваанямбуу /Аймгийн БОАЖГ-ын Ойн асуудал хариуцсан мэргэжилтэн/
2. Ц.Базарсад /Төв аймаг дахь Төрийн аудитын газрын Аудитор/

“Хууль зүйн албаны тэргүүний ажилтан” цол тэмдгээр

1. С.Алимаа /Аймгийн Прокурорын газрын дарга/

“Санхүү, банкны тэргүүний ажилтан” цол тэмдгээр

1. О.Амаржаргал /Төв аймаг дахь Төрийн аудитын газрын менежер/

“Байгаль орчны тэргүүний ажилтан” цол тэмдгээр

1. Д.Пүрэвдорж /Жаргалант сумын Байгаль хамгаалагч/
2. О.Гансүх /Батсүмбэр сумын Байгаль хамгаалагч/

“Мал аж ахуйн хүндэт профессор”-оор

1. Ц.Хэнмэдэх /Сэргэлэн сумын малчин/
2. З.Ганхуяг /Эрдэнэсант сумын малчин/
3. Б.Жамбалдорж /Аймгийн ХХААГ-ын дарга/

“Аймгийн ИТХ-ын Хүндэт тэмдэг”-ээр

1. Д.Ганхөлөг /Баянчандмань сумын харьяат, чөлөөт уран бүтээлч/

“Аймгийн ИТХ-ын Хүндэт жуух бичиг”-ээр

2. Д.Энхдулам /Аймгийн ЗДТГ-ын ХОХБТХ-ийн мэргэжилтэн/

“Аймгийн Хүндэт тэмдэг”-ээр

3. Н.Отгончимэг /Аймгийн Нэгдсэн эмнэлэгийн Хүүхдийн тасгийн эрхлэгч эмч/
4. Д.Эрдэнэбаатар /Төв ургац спортын клубын дасгалжуулагч, гүйцэтгэх захирал/
5. Ц.Мааний /Монгол туургатан театрын жижүүр, бөхийн засуул/
6. Я.Гантөр /Аймгийн Цагдаагийн газрын жижүүрийн ахлах офицер/

“Аймгийн Хүндэт жуух бичиг”-ээр

7. О.Ариунтуул /Аймгийн МХГ-ын лабораторийн ажилтан/ тус тус шагнагдлаа.