Дархан-Уул аймгийн Дархан сумын 5 дугаар багийн 20-ийн 7 дугаар байрны урд талбайд олон жил яригдсан тохижилтын ажил өнөө жил аймгийн Засаг даргын үйл ажиллагааны хөтөлбөрт тусгагдсаны дагуу хийгдэж байна. Тус байр 10-н орцтой бөгөөд 320 гаруй иргэд оршин суудаг ажээ. Орон нутгийн хөгжлийн сангийн 54 сая төгрөгийн хөрөнгө оруулалтаар “Бурхант Хясаат” ХХК өнгөрсөн сарын 5-наас ажлаа эхлүүлсэн бөгөөд өнөөдрийн байдлаар 90 хувийн гүйцэтгэлтэй байна. “Жишиг хороолол -5” төслийн хүрээнд хийгдэж байгаа энэхүү ажил энэ сарын 20-нд дуусах бөгөөд сүүдрэвч, явган хүний зам, иж бүрэн тоглоомын талбай, сагсны шид, хашааг хийсэн бол гэрэлтүүлгийн ажил хараахан дуусаагүй байгаа ажээ.