Дархан-Уул аймгийн Хонгор сумын 14 дүгээр сургуулийн дотуур байр 1969 онд ашиглалтад орсон бөгөөд өнгөрсөн хугацаанд иж бүрэн засвар хийгдэж байгаа ажээ. Нийт 6-12 дугаар ангийн 130 гаруй сурагч байдаг тус дотуур байранд иж бүрэн засварын ажил 6 дугаар сарын 10-наас эхэлсэн байна. Япон улсын Засгийн газрын өвсний үндэс хөтөлбөрийн хүрээнд хийгдэж байгаа тус засварын гүйцэтгэгчээр Гансүх захиралтай “Дархан хөлөг” ХХК ажиллаж байгаа бөгөөд өнөөдрийн байдлаар ажлын явц 60 хувьтай байна. Нийт 165 сая төгрөгийн өртөгтэй тус хөтөлбөрийн хүрээнд цонх, дээвэр, сан, дотоод засал, цахилгааны хэсэгчилсэн засвар хийгдэх юм байна.