Аймгийн ИТХ-ын Тэргүүлэгчдийн ээлжит бус хурал өнөөдөр /2017.06.23/ болж “Ажлын хэсэг байгуулах тухай” асуудлыг хэлэлцэн баталлаа. 
Тодруулбал Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 20 дугаар зүйлийн 20.1.6, 20.1.7 дахь заалт, УИХ-ын 2017 оны “Монгол Улсын Үндсэн хуульд нэмэлт, өөрчлөлт оруулах асуудлаар ард түмний бүрэн эрхт байдал, оролцоог хангах тухай” 39 дүгээр тогтоолд заасан байдаг.
Үүнийг үндэслэн Тэргүүлэгчдийн хурлаар Монгол Улсын Үндсэн хуульд оруулах нэмэлт өөрчлөлтийн төслийг иргэдийн дунд хэлэлцүүлж, уулзалт зохион байгуулж, гарсан санал дүгнэлтийг нэгтгэн боловсруулах ажлын хэсгийг байгууллаа.
Уг ажлын хэсгийг аймгийн ИТХТ-ийн нарийн бичгийн дарга Р.Тунгалаг-Эрдэнэ ахлах бөгөөд хэлэлцүүлгийг 6 дугаар сарын 28, 29, 30-ны өдрүүдэд олон нийтийн дунд зохион байгуулах юм. 
