“Утаагүй Дархан” төслийн хүрээнд “Цэвэр агаар сан”, аймгийн ЗДТГ, Байгаль орчин, аялал жуулчлалын газар, “Их тэнгэрийн хүч” ХХК-тай хамтарч агаарын бохирдлыг бууруулах, гэр хорооллын айл өрхүүдээс гарч байгаа утааг багасгах зорилгоор 140 гаруй сая төгрөгийн санхүүжилт бүхий “Утаагүй зуух” төслийг өнгөрсөн онд хэрэгжүүлсэн. Уг төсөлд Дархан сумын 1, 2, 3, 8 дугаар багуудын өрхүүд хамрагдсан бөгөөд Зуухны үнийн дүнгийн 70 хувийг “Цэвэр агаар сан” болон орон нутгийн төсвөөс буцалтгүйгээр олгож үлдсэн 30 хувийг нь иргэд өөрсдөө гарган худалдан авсан. Энэхүү хөтөлбөрт хамрагдсан иргэд ам сайтай байж өвлийг өнөтэй давж агаарын бохирдлыг тодорхой хэмжээгээр бууруулсандаа баяртай байна.