Дархан-Уул аймгийн Эмэгтэйчүүдийн холбоо үүсч хөгжсөний түүхт 55 жилийн ойн баярын хүрээнд зорилтод бүлгийн 55 эмэгтэйд тусалж, тусламж үзүүлэхээр “Хайр дүүрэн гар” аяныг 2017 оны 10 дугаар сарын 2-ныг хүртэл өрнүүлж эхэлсэн. Энэхүү аянд /2017.06.17/ аймгийн Стандартчилал хэмжил зүйн хэлтэс, БОАЖГ нэгдлээ. Мөн Стандартчилал хэмжил зүйн 40-н жил, Стандартчилал хэмжил зүйн салбарын 95-н жилийг ойг угтан Стандартчиллын анхны тулгын чулууг Дархан хотод тавьж байсан өндөр настан Ш.Мядаг, Ш.Маналжав нарт туслан хашааг нь шинэчилж байшинг нь засварлан хэрэгцээтэй ахуйн болон эд материалын тусламж үзүүллээ. Тус аянд 20-н аймгийн Стандартчилал хэмжил зүйн 500 гаруй ажилтан албан хаагч, Хэмжил зүйн хэлтсээр үйлчлүүлдэг байгууллагууд нэгдэн хандив цуглуулж Дархан сумын 6 дугаар баг тээвэрчдийн 7-3 тоотод оршин суудаг ахмадуудад тусаллаа.