“ДДЦС” ТӨХК-ийн 2017 оны ээлжит бүрэн зогсолт 6 дугаар сарын 19-ний өдрийн 00 цагаас 6 дугаар сарын 22-ний өдрийн 22.00 цаг хүртэл 4 хоногийн хугацаанд үргэлжлэн хийгдэхээр төлөвлөж байна. Бүрэн зогсолтоор 351–н нэр төрлийн ажил хийгдэх бөгөөд 39 бригад 485 хүн ажиллах ажээ. Бүрэн зогсолтын үед “ДДЦС”-ыг 35МВт-н хүчин чадлаар өргөтгөх ажлын хүрээнд КРУ-ны 11 ширхэг хуурай салгуур шинээр солих, тэжээлийн усны болон хурдацгуурын шугамын техникийн магадлагаа хийх зэрэг нэлээдгүй хэмжээний хүн хүч, хөдөлмөр шаардагдсан ажил хийгдэнэ. Иймд иргэд та бүхэн хэрэгцээний халуун ус тасрахтай холбогдуулан бэлтгэлээ хангах шаардлагатайг анхааруулж байна.