Дархан-Уул
аймгийн Эмэгтэйчүүдийн холбоо үүсч хөгжсөний түүхт 55 жилийн ойн баярын хүрээнд
зорилтод бүлгийн 55 эмэгтэйд тусалж, тусламж үзүүлэхээр “Хайр дүүрэн гар” аяныг
2017 оны 10 дугаар сарын 2-ныг хүртэл өрнүүлж байна.
Уг аянд аймгийн ИТХ-ын
Тэргүүлэгчдийн ажлын албаны хамт олон нэгдэж хандив өргөсөн бөгөөд өнөөдөр
/2017.06.12/ ИТХТ-ийн нарийн бичгийн дарга Р.Тунгалаг-Эрдэнэ хамт олноо төлөөлж
Эмэгтэйчүүдийн холбооны гүйцэтгэх захирал Б.Цэвэлмаад хандивыг гардуулан өглөө.
“Хайр
дүүрэн гар” аянд Хөдөлмөр халамжийн байгууллагаас байнга тусламж аваад
байдаггүй өрх толгойлсон, ажил хийе гэсэн ч ажилд авдаггүй, өвчтэй боловч
боломжгүйн улмаас эмчлүүлж чаддаггүй, амьдралд нь жаахан л дэм болоод өгвөл
урагшлах боломжтой эмэгтэйчүүдээ хамруулах зорилготой юм.