Төрийн албаны зөвлөлийн Төв аймаг дахь Салбар зөвлөлийн 2017 оны 06 дугаар сарын 06-ны өдрийн 41, 42 дугаар тогтоолоор байгуулагдсан комиссууд Баянхангай, Сэргэлэн сумын Санхүүгийн албаны дарга бөгөөд ерөнхий нягтлан бодогч, Алтанбулаг, Аргалант, Баян, Баяндэлгэр, Баянжаргалан, Баян-Өнжүүл, Эрдэнэсант сумдын Соёлын төвийн эрхлэгч, Баянхангай, Баян-Өнжүүл, Сүмбэр сумын Эрүүл мэндийн төвийн эрхлэгч зэрэг удирдах албаны 12 сул ажлын байранд сонгон шалгаруулалт явууллаа.
Сонгон шалгаруулалтын захиалгыг 2017 оны 05 дугаар сарын 09-ний өдрийн 112 тоот албан бичгээр Төрийн албаны зөвлөлд хүргүүлж, шалгаруулалт явуулахаас 21-ээс доошгүй хоногийн өмнө http://csc.gov.mn, www.tov.gov.mn цахим хуудас, Дотоод удирдлагын систем холбогдох цахим хуудсуудаар болон, Нэгдсэн үйлчилгээ, хэвлэл мэдээлэл, олон нийттэй харилцах албаар дамжуулан сурталчилсан.
Сонгон шалгаруулалтад оролцогчдыг 2017 оны 06 дугаар сарын 06-ны өдөр аймгийн ЗДТГ-ын 110 тоотод бүртгэхэд нийт 22 иргэн бүртгүүлэв. Үүнд:-
| № | Зарлагдсан ажлын байрны нэр | Бүртгүүлсэн иргэдийн тоо |
| 1 | Баянхангай сумын Санхүүгийн албаны дарга бөгөөд Ерөнхий нягтлан бодогч | 5 |
| 2 | Сэргэлэн сумын Санхүүгийн албаны дарга бөгөөд Ерөнхий нягтлан бодогч | 9 |
| 3 | Алтанбулаг сумын Соёлын төвийн эрхлэгч | 1 |
| 4 | Баянжаргалан сумын Соёлын төвийн эрхлэгч | 1 |
| 5 | Эрдэнэсант сумын Соёлын төвийн эрхлэгч | 2 |
| 6 | Баянхангай сумын Эрүүл мэндийн төвийн эрхлэгч | 1 |
| 7 | Баян-Өнжүүл сумын Эрүүл мэндийн төвийн эрхлэгч | 2 |
| 8 | Сүмбэр сумын Эрүүл мэндийн төвийн эрхлэгч | 1 |
| НИЙТ ДҮН | 22 | |
| 9 | Аргалант сумын Соёлын төвийн эрхлэгч | Иргэн бүртгүүлээгүй ажлын байр |
| 10 | Баян сумын Соёлын төвийн эрхлэгч | |
| 11 | Баяндэлгэр сумын Соёлын төвийн эрхлэгч | |
| 12 | Баян-Өнжүүл сумын Соёлын төвийн эрхлэгч | |
Сонгон шалгаруулалтыг 2017 оны 06 дугаар сарын 08-ны өдрийн 1010 цагт аймгийн ЗДТГ-ын хуралдааны танхимд эхлүүлж, журмын дагуу сорилын болон мэдээллийн технологийн ур чадварын шалгалтыг цахим /онлайн/-аар, бичгийн шалгалтыг урьдчилан бэлтгэсэн даалгаврын дагуу бичгээр, ярилцлагын шалгалтыг мөн өдрийн 1200 цагаас эхлэн авч дуусгасан. Бүртгүүлсэн 22 иргэнээс 2 иргэн тухайн өдөр шалгатад ирээгүй. Ингээд 20 иргэн өрсөлдсөнөөс сорилын шалгалтад 13 нь тэнцэж, ярилцлагын шалгалт авч дууссаны дараа нийлбэр дүнгээр 10 иргэн 60 буюу түүнээс дээш оноо авч өрсөлдсөн ажлын байранд тэнцлээ. Үүнд:
| № | Шалгуулагчийн нэр | Өрсөлдсөн ажлын байр | Ерөнхий шаардлага | Удирдах ур чадвар | Ярилцлага | НИЙТ оноо | Байр |
| 1 | Болдбаатарын Цолмон | Баянхангай сумын Санхүүгийн албаны дарга бөгөөд Ерөнхий нягтлан бодогч | 20.53 | 24.5 | 15.0 | 60.03 | I |
| 1 | Дамдинпүрэвийн Нэргүй | Сэргэлэн сумын Санхүүгийн албаны дарга бөгөөд Ерөнхий нягтлан бодогч | 23.54 | 25.5 | 18.0 | 67.04 | I |
| 2 | Оросоогийн Баярсайхан | 26.17 | 27.5 | 13.0 | 66.67 | II | |
| 3 | Чанцалдуламын Буянтогтох | 18.66 | 30.83 | 15.33 | 64.82 | III | |
| 4 | Бямбаагийн Батхишиг | 25.2 | 29.5 | 9 | 63.7 | IV | |
| 5 | Гүрцэдэнгийн Алтанцог | 18.25 | 30.83 | 11.33 | 60.41 | V | |
| 6 | Эрдэнэбатын Буяндэлгэр | 14.63 | 32.5 | 13.0 | 60.13 | VI | |
| 1 | Авираа Гэрэлт-Од | Алтанбулаг сумын Соёлын төвийн эрхлэгч | 21.04 | 24.5 | 22.5 | 68.04 | I |
| 1 | Даваа Мөнхцэцэг | Баянжаргалан сумын Соёлын төвийн эрхлэгч | 20.15 | 27 | 16 | 63.15 | I |
| 1 | Нямцэрэн Энхболд | Сүмбэр сумын ЭМТ-ийн эрхлэгч | 24.8 | 25.3 | 17.8 | 67.9 | I |
Шалгалтын явцад иргэн тэнцээгүй, мөн иргэн бүртгүүлээгүй Аргалант, Баян, Баяндэлгэр, Баян-Өнжүүл, Эрдэнэсант сумдын Соёлын төвийн эрхлэгч, Баянхангай, Баян-Өнжүүл, сумын Эрүүл мэндийн төвийн эрхлэгч нарын сул ажлын байрыг дахин зарлуулах саналыг салбар зөвлөлд хүргүүлэхээр тогтсон байна.