Аймгийн Засаг даргын тамгын газар, Шуудангийн үйлчилгээний газартай хамтран Олон улсын хүүхдийн эрхийг хамгаалах өдрийг угтаж хүүхдээ эерэг аргаар хүмүүжүүлэх, бичиг захидлын соёлыг дэлгэрүүлэх зорилготой "Хүүхэддээ бахархан дуурайх аав, ээж нь байя" сэдэвт чин сэтгэлийн үгтэй захидал бичих аяныг 05 дугаар сараас эхлүүлжээ. Өнөөдрийн байдлаар тус аянд төрийн 9-н байгууллагын алба хаагчид нэгдэн хүүхдүүддээ чин сэтгэлийн захидлыг илгээсэн байна. Энхрий бяцхан үрсдээ чин сэтгэлийн үгтэй захидал бичиж илгээхийг нийт Дарханчууд та бүхэндээ уриалж байна. Захидлыг аймгийн Засаг даргын тамгын газрын Нийгмийн бодлогын хэлтэс дээр хүлээн авна.