Дархан сумын 7 дугаар багаас аймгийн ИТХ-ын төлөөлөгчөөр сонгогдон ажиллаж буй Төлөөлөгч А.Янжмаа, М.Жаргалсайхан нар өнөөдөр /2017.05.05/ Дархан сумын 7 дугаар багт тавигдаж буй замын гүйцэтгэгч компаний удирдлагуудтай уулзаж, замын ажлын явцтай танилцлаа. 
Дархан сумын 7 дугаар багийн иргэдийн тавьсан саналын дагуу аймгийн ИТХ-ын Төлөөлөгчид тус замыг засварлуулах ажлыг орон нутгийн төсөвт суулгасан бөгөөд өнгөрсөн жил сайжруулсан шороон зам тавьсан бол энэ удаа асфальтаар хучих ажлыг эхлүүлжээ.
Замын ажлыг эхлүүлээд 5 хонож байгаа ба асфальтаар хучих ажлыг явган хүний замын суурийн хамт 45 хоногт хийж гүйцэтгэхээр төлөвлөж байгаа тухай ОДДН ХХК-ийн замын инженер Ш.Мөнх-Эрдэнэ ярилаа.
Тус зам нь алтны уулзварын 4 замын уулзвараас эхлэн Дархан сумын 7 багийн гэр хорооллын чиглэлд 1020 метрийн урттай 7 метр өргөн уг замыг орон нутгийн төсвөөс 545 сая төгрөгийн санхүүжилтээр хийж байна.
