Архангай аймгийн Засаг дарга Ц.Мөнхнасан 19 сумын Засаг дарга нартай 2017 онд хамтран ажиллах гэрээ байгуулсны дараа нь аймгийн хэмжээний 33 сургууль, 36 цэцэрлэгийн захирал, эрхлэгч нартай 2017 онд хамтран ажиллах гэрээ байгуулж, 2016 оны ажлын үзүүлэлтээрээ тэргүүлсэн сургууль, цэцэрлэгийн эрхлэгч нарыг шагнаж урамшуулсан юм. Энэ жилийн тухайд сумдын Засаг дарга нар захиалгат 77, нийтээрээ хийх 80, нийт 157 ажил, арга хэмжээг оны төгсгөлд 100 хувийн биелэлттэй нийлүүлэхээр байгаа юм. Сумдын Засаг дарга нартай байгуулсан гэрээнд бүх сумд оны төгсгөлд төсвийн зөв зарцуулалт хийж ямар ч өргүй гарах, төсөв хэмнэх, сумдын сургууль, цэцэрлэгийн захирал, эрхлэгч нар гурвалсан гэрээнийхээ дагуу Засаг дарга нартаа хагас жилд мэдээ тайлангаа өгч, энэ мэдээллийг аймгийн Засаг даргад мэдээлж ажиллахыг тусгасан. Мөн аймгийн Засаг даргын захирамж ямар биелэлттэй хэрэгжсэнийг оны төгсгөлд хувьчлан гаргаж ажлаа дүгнүүлж байх гээд олон ажлуудыг заасан.