Аймгийн Гэмт хэргээс урьдчилан сэргийлэх ажлыг зохицуулах
зөвлөл, ЗДТГ, Цагдаагийн газар хамтран Гэмт хэргээс урьдчилан сэргийлэх, замын
хөдөлгөөний аюулгүй байдлын тухай хууль, замын хөдөлгөөний дүрмийн мэдлэгийг
дээшлүүлэх, хөдөлгөөнд соёлтой оролцож хэвшихийн ач холбогдлыг сурталчлах
ажлыг эрчимжүүлж, сургуулийн өмнөх насны
хүүхдүүдийг зам тээврийн осол гэмтэлээс урьдчилан сэргийлэх, замын хөдөлгөөний
дүрмийн мэдлэг олгох, хөдөлгөөнд соёлтой оролцох дадлыг бага наснаас нь зөв
эзэмшүүлэх зорилгоор сургуулийн өмнөх насны хүүхдүүдийн дунд замын хөдөлгөөний
цагаан толгой-2017 тэмцээнийг зохион байгууллаа.
Уг тэмцээнд нэг, хоёр, дөрөвдүгээр цэцэрлэгийн авьяаслаг
бяцхан хүүхдүүд замын хөдөлгөөний аюулгүй байдлын тухай хууль, замын
хөдөлгөөний дүрмийн мэдлэгээрээ хурд хүч авхаалж самбаагаа сорьж өрсөлдөснөөс
дөрөвдүгээр цэцэрлэгийн баг хамт олон нэгдүгээр, хоёрдугаар цэцэрлэгийн баг
хамт олон хоёрдугаар, нэгдүгээр цэцэрлэгийн баг хамт гуравдугаар байруудыг эзэллээ.
Оролцсон нийт хүүхдүүдэд аймгийн ГХУСАЗЗ-өөс гарын бэлэг
гардуулж нэг, хоёр, гуравдугаар байруудыг медаль, өргөмжлөл, мөнгөн шагналаар
урамшууллаа.
