Аймгийн ИТХ-ын Төлөөлөгч, Зуунмод сумын Засаг даргын орлогч Баярхүүгийн Баярмагнай “Олон улсын ахмадын өдөр"-ийг угтан Зуунмод сумын Ланс багийн ахмадууддаа хараа шалгах, харааны нүдний шил үнэгүй тааруулах үйлчилгээ үзүүлж байна.

Эмнэлгийн дугаар, дараалал харгалзахгүй мэргэжлийн эмчийн үзлэг зөвлөгөө аван, өөрт тохирсон харааны шилтэй болсон ахмад сэтгэл хангалуун байна.

Мөн энэ үеэр аймгийн Гэмт хэргээс урьдчилан сэргийлэх салбар зөвлөлөөс ахмадуудад цахим залилан болон орон гэрийн хулгайгаас урьдчилан сэргийлэх мэдээлэл өглөө.